Салбарын сайд хэлсэн үгэндээ багш, эрдэмтэн судлаачдад хандан “Гэмт хэрэг, зөрчлөөс урьдчилан сэргийлэх, түүний шалтгаан, нөхцөлийг шинжлэх ухааны үндэслэлтэй тогтоох чиглэлээр эрдэм шинжилгээ, судалгааны ажлын агуулга, үр нөлөөг сайжруулах ажлаа эрчимжүүлцгээе” хэмээн уриалав. Мөн багш, судлаачдын хувьд судалгааны ажлын чанар, хэрэглээ, бодит өгөөжийг нэмэгдүүлэхэд санал санаачилгатай, хариуцлагатай ажиллах ёстойг тодотгоод ХЗДХЯ-ны зүгээс дэмжлэг туслалцааг бүрэн үзүүлж хамтран ажиллахаа илэрхийллээ.
Түүнчлэн сайд С.Амарсайхан уулзалтын үеэр Хилийн албаны сургуулийн шинэ хичээлийн байрны барилгын явц, тус их сургуулийн номын сан, лаборатори танхимуудтай танилцсан юм.
