Ахлагчийн мэргэжлийн сургалт-үйлдвэрлэлийн төв нь Цагдаагийн ерөнхий газрын даргын 1997 оны 11 дүгээр сарын 07-ны өдрийн 239 дүгээр тушаалаар Цагдаагийн академийн харьяанд “Цагдаагийн анхан шатны сургалтын төв” нэртэйгээр анх бие даан байгуулагдсан түүхтэй.
“Ахлагч” мэргэжлийн боловсролын сургууль Цагдаа, дотоодын цэргийн албаны тэнхим, Хилийн албаны тэнхим, Шүүхийн шийдвэр гүйцэтгэлийн албаны тэнхим, Онцгой байдлын албаны тэнхим, Тактикийн тэнхим, Цэргийн албаны зохион байгуулалтын тэнхимийн бүрэлдэхүүнтэйгээр Цагдаагийн ерөнхий газар, Хил хамгаалах ерөнхий газар, Шүүхийн шийдвэр гүйцэтгэх ерөнхий газар, Онцгой байдлын ерөнхий газар, Шүүх шинжилгээний ерөнхий газрын захиалгаар мэргэжлийн боловсрол олгох нэг жилийн сургалт, “Офицер”, “Ахлагч” бэлтгэх сургалт, хуулийн этгээд, иргэний захиалгаар “Харуул, гэрээт албаны” сургалтыг батлагдсан хөтөлбөр, төлөвлөгөөний хүрээнд явуулдаг.
Тус сургууль нь докторын зэрэгтэй-2, докторант-3, магистрын зэрэгтэй-19, магистрант-10, Бакалаврын зэрэгтэй-6, нийт 40 албан хаагчтай. Суралцагчдад мэргэжлийн ур чадвар олгох сургалтын орчин нөхцөлийг бүрдүүлэх зорилгоор адилтгасан симулятор, лаборатори 9 танхимыг тохижуулж хичээл сургалтын үйл ажиллагааг явуулдаг. Мөн сонсогч, суралцагчдын хөгжлийг дэмжих чиглэлээр практик байгууллагуудад дадлагажуулах, усанд сэлэлтийн анхан шатны сургалт, тээврийн хэрэгслийн “А”, “В” ангиллын сургалт, уяа зангилааны дугуйлан, гардан тулааны дугуйлан, гийр өргөлтийн дугуйлан, хиймэл оюун ухаанд суурилсан нисгэгчгүй нисэх төхөөрөмж дроны ур чадвар олгох сургалтыг тус тус зохион байгуулдаг онцлогтой.
Доктор (Ph.D), цагдаагийн хурандаа МӨНХБАТЫН ЭРДЭНЭБИЛЭГ
Мөнхзаяа
Энхзул
info@uia.gov.mn
70155002
Улаанбаатар хот, Баянзүрх дүүрэг, 8-р хороо, Хилчний гудамж