Үндэсний аюулгүй байдал, нийгмийн дэг журам, иргэдийн аюулгүй байдлыг хангах мэргэжлийн үйл ажиллагааг хэрэгжүүлэхдээ нийгэм, хүмүүнлэг, байгалийн ухааны онолын суурь мэдлэгийг ашиглах чадвартай, гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах цагдаагийн албаны чиг үүргийг хэрэгжүүлэхэд шаардлагатай эрх зүйн болон мэргэжлийн мэдлэг, ур чадварыг бүрэн эзэмшсэн, үндэсний эх оронч, хууль дээдлэх, шударга ёс, хүний эрх, эрх чөлөөг хангах үзэл төлөвшсөн, эрүүл мэнд, бие бялдар, сэтгэл зүйн болон ёс зүй, харилцааны ур чадварын шаардлагыг хангасан, мэдлэг, ур чадвараа тасралтгүй дээшлүүлэх, аливаа өөрчлөлтөд зохицон өөрийгөө хөгжүүлэх чадвартай цагдаагийн алба хаагчийг бэлтгэхэд оршино.
Эрүүгийн процессын шинжлэх ухаан, Эрүүгийн процессын эрх зүйд хувь нэмэр оруулах судлаач, эрдэмтдийг төрүүлэн гаргах, хөхүүлэн дэмжих, хянан магадлах үйл ажиллагаанд тэргүүлэн оролцох, эрх зүйч, мөрдөгч, цагдаагийн офицерын эрүүгийн процессын чиглэлээрх сургалтыг төгөлдөржүүлж, эх орон, ард нийтийн хэрэгцээг хангасан чадвар, чадамжтай хүний нөөцийг бэлтгэхэд хувь нэмэр оруулахыг эрхэм зорилго болгоно.