Ахлагчийн мэргэжлийн сургалт-үйлдвэрлэлийн төв нь Цагдаагийн ерөнхий газрын даргын 1997 оны 11 дүгээр сарын 07-ны өдрийн 239 дүгээр тушаалаар Цагдаагийн академийн харьяанд “Цагдаагийн анхан шатны сургалтын төв” нэртэйгээр анх бие даан байгуулагдсан түүхтэй.
“Ахлагч” мэргэжлийн боловсролын сургуулийн Шүүхийн шийдвэр гүйцэтгэлийн албаны тэнхим нь Шүүхийн шийдвэр гүйцэтгэх байгууллагын захиалгаар “Хорих байгууллагын хамгаалалтын ажилтан” мэргэжлийн сургалтыг 2012 оноос эхлэн зохион байгуулж байгаа бөгөөд энэ хугацаанд 3000 гаруй төгсөгчийг бэлтгэн захиалагч байгууллагад хүлээлгэн өгсөн. Мөн 2020 оноос “Офицер” бэлтгэх мэргэшүүлэх сургалт, 2024 оноос “Хорих байгууллагын хамгаалалтын ажилтан” мэргэжлийн боловсрол олгох сургалтыг чадамжид суурилсан сургалтын хөтөлбөр, төлөвлөгөөний дагуу зохион байгуулж байна.