Хил хамгаалах байгууллагын сургалтын нэгдсэн тогтолцоог бий болгох, сургалтын гадаад, дотоод орчны таатай нөхцөлийг бүрдүүлэх, бакалавр, магистр, докторын болон мэргэжлийн боловсролын түвшинд хөрвөх боломжтой шинэ мэргэжлүүдээр сургалтын агуулга хэлбэрийг өргөжүүлэх чиг үүрэгтэйгээр үйл ажиллагаа явуулж байна.
Тус тэнхим нь “Төв сургууль” байгуулагдсан цагаас өнөөг хүртэл тасралтгүй үйл ажиллагаагаа явуулж буй Хилийн албаны сургуулийн үндсэн чиг үүргийг хэрэгжүүлдэг тэргүүлэх нэгж юм. Тэнхим нь улсын хил хамгаалалтыг зохион байгуулж, удирдах мэдлэг боловсролтой, ур чадвартай үе үеийн шилдэг боловсон хүчнийг бэлтгэж ирсэн бөгөөд 1934 онд анхны тэнхимийн эрхлэгчээр ахмад Ч.Лувсан томилогдон ажиллаж байсан түүхтэй. Тус тэнхим нь тэнхимийн профессор, дэд профессор, ахлах багш, багш, лаборант зэрэг нийт 8 хүний бүрэлдэхүүнтэйгээр сургалт, эрдэм шинжилгээний үйл ажиллагаа явуулж байна.