КЛУБИЙН ҮЙЛ АЖИЛЛАГААНЫ ТАНИЛЦУУЛГА

“AeroX” клубийн уулзалт, үйл ажиллагаа нь гишүүдийн дроны нислэгийн онол, практик ур чадварыг системтэйгээр хөгжүүлэх, бүтээлч сэтгэлгээ болон багийн ажиллагааг дэмжих, улмаар бодит туршлага олгох замаар мэргэжлийн чиг баримжаа бий болгоход чиглэгдэнэ. Тус клуб нь анхан шатны мэдлэг олгохоос эхлэн ахисан түвшний сургалт, дадлага, сорилт, тэмцээнийг үе шаттайгаар зохион байгуулж, гишүүдийн идэвх оролцоог нэмэгдүүлэх, өөрийгөө хөгжүүлэх боломжийг бүрдүүлнэ.

Клубийн үйл ажиллагааны хүрээнд шинэ гишүүдийг бүртгэн танилцуулах, аюулгүй ажиллагааны зааварчилгаа өгөх, анхны нислэгийн дадлага хийх анхан шатны уулзалтуудыг зохион байгуулахын зэрэгцээ дроны удирдлага, нислэгийн техник, FPV нислэгийн үндэс, агаарын зураг авалтын аргачлал зэрэг чиглэлээр сургалтын үйл ажиллагааг тогтмол хэрэгжүүлнэ. Үүний зэрэгцээ гишүүдийн ур чадварыг сорих зорилгоор саадтай нислэг, хурд болон нарийвчлалын тэмцээн, шилдэг бичлэг шалгаруулах уралдаан зэрэг олон төрлийн сорилт, тэмцээнийг зохион байгуулж, оролцоог идэвхжүүлнэ.

Мөн клубийн хүрээнд гишүүдийг бүтээлч контент боловсруулах чадварт сургах зорилгоор зураг, видео бичлэг хийх, багийн төсөл хэрэгжүүлэх, видео засварлах дадлага ажлыг зохион байгуулж, орчин үеийн медиа ур чадварыг эзэмшүүлэхэд анхаарна. Үүнээс гадна дроны бүтэц, эд анги, засвар үйлчилгээний талаар мэдлэг олгох техник үйлчилгээний уулзалтууд, гишүүдийн туршлага солилцох, алдаа, эрсдэлийг дүн шинжилгээ хийх хэлэлцүүлгүүдийг тогтмол явуулна.

Тус клуб нь онцлог нөхцөлд нислэг үйлдэх ур чадварыг хөгжүүлэх зорилгоор оройн болон шөнийн нислэг, тусгай орчны дадлагыг зохион байгуулахын зэрэгцээ салбарын туршлагатай мэргэжилтнүүдийг урьж оролцуулсан уулзалтаар дамжуулан гишүүдэд шинэ мэдээлэл, чиг хандлага, боломжийг танилцуулна. Үүнтэй уялдуулан гишүүдийн хоорондын уялдаа холбоог бэхжүүлэх, эерэг уур амьсгал бүрдүүлэх зорилгоор чөлөөт уулзалт, идэвхжүүлэх арга хэмжээг зохион байгуулна.

Цаашид клубийн үйл ажиллагааг бодит туршлагатай уялдуулах зорилгоор төрөл бүрийн төсөл, арга хэмжээний зураг авалтад оролцох, захиалгат ажлын дадлага хийх боломжийг бүрдүүлж, гишүүдийг багаар ажиллах, мэргэжлийн орчинд өөрийгөө сорих нөхцөлөөр хангана. Дээрх үйл ажиллагаануудыг долоо хоног тутам тогтмол зохион байгуулж, сар болон улирлын төлөвлөгөөнд тусган хэрэгжүүлэх бөгөөд аюулгүй ажиллагааны шаардлагыг чанд мөрдөн ажиллана.

Энэхүү төлөвлөгөөг хэрэгжүүлснээр клубийн гишүүдийн дроны нислэгийн ур чадвар мэдэгдэхүйц сайжирч, бүтээлч контент тогтмол бий болох, хамтын ажиллагаа, идэвх оролцоо нэмэгдэх, цаашлаад мэргэжлийн чиглэлд хөгжих суурь нөхцөл бүрдэнэ гэж үзэж байна.