✅ Дотоод хэргийн их сургуулийн захирал, доктор (Ph.D), профессор, бригадын генерал Т.Сүхболд “EF EFEKTA” боловсролын группийн тэргүүн дэд ерөнхийлөгч Саранжит Сангар, Монгол дахь албан төлөөлөгч Т.Хишигжаргал нарыг хүлээн авч уулзлаа.

✅ Уулзалтын үеэр талууд хиймэл оюун ухаанд суурилсан англи хэлний цахим сургалтын платформыг Дотоод хэргийн их сургуульд нэвтрүүлэх, Гадаад хэлний институтын багш нарт чиглэсэн сургалт зохион байгуулах, сонсогч, суралцагчдын англи хэлний түвшинг шинэлэг аргаар дээшлүүлэх чиглэлээр хамтран ажиллах боломж, нөхцөлийн талаар санал солилцов. Мөн цаашид энэхүү чиглэлээр хамтын ажиллагааг хөгжүүлэх, багш суралцагчдыг харилцан хамтарсан төсөл, хөтөлбөрт хамруулахаа илэрхийлэв.

✅ “EF EFEKTA” платформ нь хиймэл оюун ухаанд суурилсан, суралцагч бие даан суралцах боломжийг бүрдүүлдгээрээ онцлогтой. Уг хөтөлбөр нь Налайх, Багануур, Багахангай дүүргүүдэд амжилттай хэрэгжиж, ерөнхий боловсролын сургуулийн сурагчдын англи хэлний мэдлэг, чадварыг дээшлүүлэн, бодит үр дүнд хүрээд байна.