✅ Дотоод хэргийн их сургуулийн Эрдэм шинжилгээний хүрээлэн, Хилийн цэргийн Хил судлалын хүрээлэн хамтран Хилийн цэргийн 0245 дугаар ангийн түүхт 50 жилийн ойг угтсан “Увсын отряд-50 жил, түүх, уламжлал, шинэчлэл" сэдэвт эрдэм шинжилгээний хурлыг 06 дугаар сарын 10-ны өдөр зохион байгууллаа.

✅ Тус эрдэм шинжилгээний хурлаар Увсын отрядын түүхэн замнал, дайчин уламжлал, цагийн байдлын өрнөлт ихтэй болон аялал жуулчлалын бүсэд улсын хил хамгаалалтыг зохион байгуулах онцлог, шийдэл, Монгол Улсын баруун хойд хилийн үүсэл хөгжил, Хил хамгаалах байгууллагын хууль сахиулах чиг үүрэг, онцлог, хил хамгаалалтын урлагийн хөгжилд Увсын хилийн отрядын гүйцэтгэсэн үүрэг, Увс аймгийн хил хамгаалалтад туслах хүчний зөвлөлийн гүйцэтгэсэн үүрэг, хувь нэмэр, улсын хил хамгаалалтын өнөөгийн байдал, цаашдын чиг хандлага зэрэг сэдвийн хүрээнд эрдэмтэн, судлаачид болон аймаг, орон нутгийн удирдлагын төлөөлөл илтгэл хэлэлцүүлэв.