✅ Дотоод хэргийн их сургууль Гадаад хэлний институтээс улсын хэмжээний их, дээд сургуулиудын оюутан, суралцагчдын дунд "Сэтгэе-Ярья" мэтгэлцээний тэмцээнийг 05 дугаар сарын 06-ны өдөр зохион байгууллаа.

✅ Тус мэтгэлцээний тэмцээнд Хөдөө аж ахуйн их сургууль, Үндэсний батлан хамгаалахын их сургууль, Отгонтэнгэр их сургууль, Шихихутуг их сургууль, Их засаг олон улсын их сургууль , Дотоод хэргийн их сургуулийн нийт найман баг оролцов. Багууд “Хиймэл оюун нь ажлын байрыг багасгах, үгүй болгохоосоо илүү олон шинэ ажлын байрыг бий болгох боломжтой”, “Онлайн шалгалт нь уламжлалт шалгалтаас илүү шударга бөгөөд тэгш боломж олгодог”, “Интернэт нь сөрөг нөлөө үзүүлж болзошгүй тул хүүхдүүдийн интернэтэд нэвтрэх эрхийг хязгаарлах ёстой”, “Хөгжлийг удаашруулах байсан ч хиймэл оюуныг хатуу зохицуулах шаардлагатай” гэсэн сэдвүүдийн хүрээнд англи хэлээр өөрсдийн үзэл бодлоо илэрхийлэн мэтгэлцлээ.

✅ Шүүгчээр АНУ-ын Элчин сайдын яамны Хууль сахиулах байгууллагын атташе, хатагтай Сара Бет Маршал, Аптон олон улсын боловсролын институтийн сургалтын ахлах чиглүүлэгч Б.Эрдэнэтуяа, ДХИС-ийн Удирдлагын академийн Удирдахуйн ухаан, аюулгүй байдлын удирдлага, стратегийн тэнхимийн дэд профессор, цагдаагийн хошууч Ц.Байгаль нар оролцов.

✅ Тэмцээний тэргүүн байрт Батлан хамгаалах их сургуулийн “Team Intellectual 2.0” баг, дэд байрт Дотоод хэргийн их сургуулийн “Versatility” баг, гутгаар байрт Их засаг их сургуулийн “Young Advocates” баг шалгарч, “Шилдэг мэтгэлцэгч”-ээр ДХИС-ийн Хууль зүйн сургуулийн суралцагч О.Баясгалан, “Шилдэг нотлогч”-оор ҮБХИС-ийн сонсогч Д.Пүрэвбаатар, “Шилдэг илтгэгч”-ээр Шихихутуг их сургуулийн оюутан А.Гандөл нар шалгарчээ.

✅ Тэмцээнд амжилттай оролцсон оюутан, суралцагчдадаа баяр хүргэж, амжилт хүс